عرض جهاز Xtreamer Prodigy

من فترة كنت أدور على مشغل ملتي ميديا جبار بمعنى الكلمة يقدر يشغل أفلام و مسلسلات بوضوح HD 720p & 1080p و الصوت DTSHD-MA 5.1 & 7.1 , قبل سنتين تقريبا أخذت لي جهاز WD TV Live Media Player بذاك الوقت كان أحسن جهاز متوفر بالكويت و يدعم الترجمة العربية و لكن من عيوبه مافيه هارد دسك داخلي , واي فاي مدمج , الريموت كنترول صغير و محدود الدقم .

وقبل جم شهر حصلت الجهاز اللي يرضي رغباتي نوعاً ما و إسمه إكستريمر بروديجي , الجهاز و للأمانه عجيب بمواصفاته :
يشغل أفلام بلوراي من النت اللي توصل أحجامها إلى 45 جيجا بايت
منفذ HDMI 1.4a يعني يشغل 3D و تراك الصوت 7.1 و 5.1 DTSHD-MA & Dolby TRUE HD
منفذ USB 3.0 عدد 1 , منفذ USB 2.0 عدد 2
إيثرنت , نظام أندرويد , يوتيوب , فيس بوك , فلكر , جوجل , , هارد دسك داخلي لغاية حجم 3 تيرابايت , Airplay .  المواصفات الكاملة من هني

من خلال إستخدامي للجهاز لمدة 3 شهور تقريبا بين لي شنو قوة الجهاز لو إنه فيه جم عيب ( حروف الترجمة العربية شوي متباعده و نظام الأندرويد مو مستقر يعلق مرات ) .
الشركة المصنعه للجهاز ناوية تنزل مثل أدابتر يتركب بالجهاز و يصير رسيفر  وميزة Movie Jukebox لمعرفة تقاييم  الافلام و بعد كل هذا تطوير لسوفتوير الجهاز فيه تحسينات و مميزات أكثر .

اذا حابين تشوفون باقي منتجات شركة إكستريمر